Policia gjermane ka zhvilluar një oporacion masiv në Berlin duke kontrolluar mbi 20 prona, në lidhje me xhaminë që frekuentohej nga tuniziani, autor i sulmit të Berlinit që vrau 12 persona dhe plagosi mbi 50 të tjerë në sulmin në tregun e Krishtlindjeve.
Rreth 450 oficerë kanë bastisur apartamente, 2 kompani dhe 6 qeli burgu të dyshuara për lidhje me organizatën e ashtquajtur “Fussilet 33 e.V.”, e cila drejtonte xhaminë.
Sipas mediave vendase, autoritet thonë se operacioni ka nisur që në orën 6 të mëngjesit sotëm dhe kërkimet do të vijojnë.
Prokurori federal ka thënë se Anis Amri, sulmuesi i Berlinit, vizitoi një xhami të drejtuar nga organizata “Fussilet 33 e.V. ditën e sulmit të dhjetorit.
Më 31 janar policia gjermane arrestoi tre burra të dyshuar për lidhje të ngushta me militantët e Shtetit Islamik dhe që kishin planifikuar të udhetonin në Lindjen e Mesme për tu bashkuar me ekstremistët.
E përditshma gjermane Bild tha se të arrestuarit gjithashtu kishin qenë frekuentues të xhamisë në rrethin Moabit të Berlinit, e njëjta që mendohet se frekuentonte Amri.
Një ditë më parë 5 studentë italianë, numrat ë të cilëve u gjendën në celualin e autorit të sulmit, dëshmuan se e njihnin Amri si shpërndarës droge.
Amri kishte 14 identitete të ndryshme dhe kishte qenë nën fenerët e agjentëve të inteligjencës gjermane.
Gjithashtu edhe prejardhja e tij islamike ishte e njohur, po aq sa edhe fakti që punonte si shpërndarës droge .Më 21 shtator shërbimet sekrete pushuan së kërkuari Amri duke mos e konsideruar më një kërcënim terrorist.
Amri u vra rastësisht nga policia ne Milano, dy ditë pas ngjarjes që tronditi Gjermaninë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
