Lega e Zëvendëskryeministrit Matteo Salvini dhe Fratelli d'Italia e kryeministres Giorgia Meloni kanë kundërshtuar emërimin e aktivistes së OJQ-së gjermane Sea Watch, Carola Rackete, si kandidate për Partinë e Majtë Gjermane për zgjedhjet e vitit të ardhshëm në BE për shkak të arrestimit të saj në 2019. Përpara zgjedhjeve evropiane të qershorit 2024, Partia e Majtë Gjermane ka paraqitur kandidaturën e Rackete, një aktiviste për të drejtat e njeriut dhe kapitene e Sea Watch, anija e OJQ-ve që operon në Detin Mesdhe për të shpëtuar emigrantët që lundrojnë nga Afrika e Veriut në brigjet italiane. Rackete njihet në Itali për përplasjen me një varkë patrullimi të policisë financiare në vitin 2019 gjatë një misioni shpëtimi. Autoritetet italiane nuk e kishin lejuar zbarkimin e anijes së ngarkuar me emigrantë, por Rackete e injoroi ndalimin dhe u nis në ishullin Lampedusa, pranë Siçilisë, gjithsesi. Në atë kohë, Salvini ishte ministër i Brendshëm dhe u përball me Rackete-n, e cila u arrestua dhe më pas u lirua. Përfaqësuesit e Legës komentuan kandidaturën e Racketes në Gjermani, duke nisur nga Salvini, i cili me ironi i uroi Racketes që të bënte mirë në kandidimin e saj. “Nga përplasja me anijet e patrullimit të policisë financiare italiane te një kandidaturë me të majtën është një moment. Urimet më të mira, rroftë demokracia!” ka shkruar ai në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
