Një nga lagjet turistike më të njohura të Tokios po bën një lëvizje për të frenuar sjelljen e keqe të konsumimit të alkoolit jashtë ambienteve të mbyllura.
Masa, e cila pritet të hyjë në fuqi në tetor, do të ndalojë pirjen e alkoolit në rrugë apo vende publike në Shibuya nga ora 6 pasdite deri në 5 të mëngjesit çdo ditë. Mosha e ligjshme e pijes në Japoni është 20 vjeç.
Shibuya City, i cili është një distrikt i vetëqeverisur brenda Tokios, mund të bëjë rregulloret e veta lokale.
Ky lajm mund të mos jetë surprizë për banorët vendas. Vjeshtën e kaluar, Shibuya ndaloi aktivitetet e lidhura me Halloween.
Kjo përfshinte ndalimin e pirjes së alkoolit jashtë bareve dhe restoranteve. Kryebashkiaku Hasebe thotë se bizneset vendase i mbështetën rregulloret në tetor 2023 dhe ishin pro për t'i bërë ato të përhershme.
“Dëmi i shkaktuar nga mbiturizmi është bërë serioz, duke rezultuar në dëme pronësore të shkaktuara nga pirja e alkoolit në rrugë, grindjet me banorët vendas dhe derdhja e sasive të mëdha të kanaçeve dhe shisheve bosh.
Shibuya është shtëpia e disa prej atraksioneve më të njohura të kryeqytetit, duke përfshirë faltoren Meiji, Parkun Yoyogi dhe "Shibuya scramble", që besohet të jetë kryqëzimi më i ngarkuar në botë.
Japonia ka luftuar për të përballuar mbiturizmin që nga rihapja e plotë pas pandemisë. Më shumë se tre milionë vizitorë vizituan vendin si në prill ashtu edhe në maj të këtij viti, me tendencën që ka të ngjarë të vazhdojë gjatë verës.
Edukimi i vizitorëve mbi kulturën vendase ka qenë një komponent i madh i përballjes me fluksin e turistëve ndërkombëtarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
