Kryeministri i Kosovës, Albin Kurti, ka akuzuar Beogradin si autor të përshkallëzimit dhe tensioneve të krijuara në Veri të Kosovës ditët e fundit. Kreu i qeverisë publikoi emrat e disa prej njerëzve që ka thënë se janë organizatorët kryesorë të trazirave. Sipas Kurtit rolin e organizatorëve po e luajnë pjesëtarë të formacionit ilegal të së ashtuquajturës “mbrojtje civile” dhe ish-pjesëtarë të Policisë së Kosovës.
“Këto protesta me gjithë dashakeqësinë na kanë shërbyer të bëjmë identifikime të vlefshme”, ka thënë ai në Kuvend. Kurti përmendi të parin Milorad Jevtiç, që sipas tij është një nga drejtuesit e formacionit illegal dhe shtëpia e tij është bazë qëndrimi për drejtuesit e strukturës ilegale”, të cilën e ka ndërlidhur me Listën serbe. Emra të tjerë të përmendur nga Kurti janë Miçko Jevtiç, Rajko Jevtiç, Danilo Josifoviç, Liljana Aksentijeviç e Aleksandër Filipoviç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
