Shtetet anëtare të Bashkimit Europian, kanë diskutuar hipotezën e një misioni stërvitor për forcat ukrainase që para luftës dhe tani është koha për të vepruar.
Kështu deklaroi Josep Borrell, përfaqësuesi i lartë për politikën e jashtme në Bashkimin Europian, duke folur nga samiti i mbrojtjes në Pragë, në Çeki.
Sigurisht, Rusia nuk do të jetë e lumtur pasi nuk është e kënaqur me faktin që tashmë po i ofrojmë Ukrainës ndihmë ushtarake.
Situata në terren për Ukrainën është ende negative, ajo ka nevojë për mbështetjen tonë.
Asgjë nuk do të vendoset sot, pasi bëhet fjalë për një samit joformal, por mendoj se duhet të kemi një marrëveshje politike, detajet e së cilës mund të vijnë më vonë. Por shpresoj që të kemi dritën jeshile politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
