Pas shkatërrimit dhe 42 viktimave që la në Florida, uragani IAN ka goditur Karolinën e Jugut.
Në bregdetin e Karolinës së Jugut, Ian dëmtoi katër kalata dhe dërgoi rrëke uji që vërshonin në lagje, duke përfshirë qytetin e njohur bregdetar të Myrtle Beach.
Gati 200,000 shtëpi dhe biznese në Karolinën e Jugut ishin pa energji deri të premten në mbrëmje.
Presidenti amerikan Joe Biden e ka bërë të qartë se do të duhen muaj, vite për të rindërtuar atë që shkatërroi uragani.
Shifrat e përditësuara flasin për dy milionë njerëz që gjenden ende pa energji elektrike dhe 40 miliardë dollarë dëme.
Situata më dramatike mbetet në Florida, shumica e viktimave u regjistruan në Charlotte County.
Në portin e qytetit turistik të Fort Myers , dhjetëra varka të ankoruara u përmbytën dhe u fundosën, ndërsa lidhjet me Pine Island dhe Sanibel Island, dy ishuj përballë qytetit të lidhur me kontinentin me ura, u ndërprenë plotësisht.
Përmbytjet parashikohet të vazhdojnë në të gjithë rajonin, përfshirë edhe Floridan, për ditë të tëra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
