Emisioni “Fol” i gazetarit Erjon Skëndaj u ndal sot në fshatin Halil në Fushë-Krujë, që është kthyer në një mal të grumbullimit të plehrave, ku janë vendosur shumë pranë një baseni ujori.
Banorët pretendojnë se pirgu i plehrave, që vijnë nga Kruja, Fushë-Kruja dhe Kamza, ka ndikuar në shtimin e sëmundshmërisë në fshatin me 4 mijë banorë. Njëri prej banorëve thotë se vetëm në 5 vjet në fshat janë numëruar rreth 30 vdekje, që lidhen me ndotjen e ambientit. “Na kanë futur kancerin në gjak!”, shprehen ata.
Njëri prej banorëve thotë:
"Ky mali i plehrave këtu ka mbi 10 vjet. Është një fatkeqësi e madhe për banorët e fshatit. Unë do ta quaja krim ndaj njerëzimit. Kush e ushtron këtë veprimtari fiton lekë në kurriz të viktimave të fshatit Halil. Në kohën që është vendosur ne e kemi bërë problem. S’kemi lënë letër, protesta. Ankimimi ynë ka qenë i vazhdueshëm, por kanë heshtur të gjithë. Bashkia thotë se s’kemi ku t’i çojmë. Qëllimi i tyre është që ta shpopullojnë këtë vend. Ne do ikim vetë, ta lëmë fshatin vetëm për plehra. Breza 5-vjecarit numërohen rreth 30 vdekje, që kanë ardhur vetëm nga ndotja e ambientit. Duhet të ketë institucione për ta vërtetuar. Këtu sjellin edhe mbeturinat e thertoreve, edhe mbeturinat e spitaleve. Ne do kërkojmë që mbeturinat të hiqen, ose ne të ikim. T’i vendosësh mbeturinat 30 metra pranë liqenit, është krim. Shpërthimet e fuqishme të guroreve i thanë puset. Plehrat janë 50 metra larg shtëpive. Kemi pasur infarkte, paralizime, sëmundje lëkure”.
Një tjetër banor shprehet:
"Ku do vijë turisti këtu?! Do shohë plehrat. Ka investuar tjetri atje. Kryeministri ka kaluar këtu, besoj se do ta ketë parë edhe ai vet”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
