Shumë prej nesh janë mësuar të përdorin telefonin para se të flenë dhe më vonë të kenë vështirësi ti zërë gjumi.
Një studim i ri ka zbuluar se postimi në rrjetet sociale 60 minuta para se të flini mund t’iu krijojë probleme me gjumin deri në 3 orë.
Studiuesit zbuluan se postimi para se të shtriheni për të fjetur do të thotë se truri ka më shumë të ngjarë të jetë akoma i sintonizuar me telefonin e tyre ndërsa përpiqen të flenë.
Kjo mund të jetë për shkak të pritjes së një përgjigjeje ndaj postimit.
Studiuesit gjurmuan më shumë se 51,000 përdorues të Reddit si pjesë e studimit - gjurmuan kur postuan dhe krahasuan me sa kohë qëndruan më pas në faqe.
Dr William Meyerson, i Universitetit Duke, tha: “Kjo mund të jetë rezultat i disa faktorëve – nga dritat e ekranit që prishin ritmin cirkadian, deri tek pritja e një përgjigjeje.
Përdoruesit e Reddit kanë më shumë gjasa të qëndrojnë zgjuar pas orarit të gjumit dhe kjo ndodh në netët kur postojnë një orë para gjumit”.
Studiuesit kanë ngritur shqetësimin se shikimi në dritën blu të ekranit parandalon ciklin natyral të gjumit të trupit që të fillojë, duke bllokuar hormonet që na bëjnë të përgjumur.
Studimi i fundit, i botuar në Sleep Medicine, gjurmoi përdoruesit e Reddit për 16 vjet.
Ata zbuluan se kishin më shumë gjasa të qëndronin në Reddit një deri në tre orë pas orarit të gjumit në netët kur postonin në orën e fundit.
Ekspertët e gjumit kanë predikuar prej kohësh përfitimet e shmangies së dritave blu nga pajisje të tilla elektronike si smartphone ose tablet para gjumit.
Shumica prej nesh e dinë se rrezet e diellit përmbajnë rreze të dukshme të dritës, si dhe ato ultravjollcë të padukshme (UV). Por drita e dukshme përfshin një sërë rrezesh me ngjyra të ndryshme, të cilat mbartin sasi të ndryshme energjie.
"Drita blu është një nga pjesët e dukshme të spektrit elektromagnetik, kështu që është një nga ngjyrat që ne mund të shohim," thotë Romesh Angunawela, nga Ophthalmic Consultants të Londrës dhe kirurg konsulent i syve në Spitalin e Syve Moorfields.
“Ajo ka gjatësi vale më të shkurtër se çdo ngjyrë tjetër e dukshme. Është afër UV-së, e cila është edhe më e shkurtër, por jo e dukshme për ne.”
Përveçse është e pranishme në dritën e ditës, drita blu emetohet nga llambat fluoreshente dhe pajisjet LED si kompjuterët, telefonat inteligjentë, televizorët dhe tabletët.
"Pajisjet elektronike kanë tendencë të lëshojnë më shumë dritë në atë spektër sesa drita natyrale," thotë Angunawela.
Kjo, plus koha që kalojmë në pajisjet tona dhe afërsia e tyre me fytyrat tona, i shqetëson profesionistët e shëndetësisë për pasojat e mundshme.
Ju ndoshta ndjeni një ndjenjë faji kur kontrolloni telefonin inteligjent në shtrat – të gjithë e dimë se pajisjet duhet të mbahen jashtë dhomës së gjumit.
"Ka prova të qarta që ekspozimi ndaj dritës blu mund të ndikojë në modelet e gjumit dhe ritmet cirkadiane," thotë Angunawela, duke folur për revistën Healthy.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
