Presidenti amerikan Donald Trump s’e fshehu zemërimin me Izraelin dhe Iranin lidhur me shkeljen e armëpushimit.
Duke folur për gazetarët nga samiti i NATO-s, shefi i Shtëpisë së Bardhë tha:
“Ne në thelb kemi dy vende që kanë luftuar për aq kohë dhe aq shumë sa nuk e dinë se çfarë dreqin po bëjnë!”
Presidenti amerikan Trump i ka telefonuar Netanjahut dhe i ka kërkuar të mos e sulmojë Iranin, tha një gazetar i Axios në një postim në X, duke cituar një zyrtar izraelit.
Sipas raportimeve, Netanjahu i ka thënë Trumpit se nuk mund ta anulonte sulmin dhe se ai ishte i nevojshëm pasi Irani kishte shkelur armëpushimin, tha gazetari.
Po ashtu raportohet se sulmi pritet të minimizohet ndjeshëm, duke mos goditur një numër të madh objektivash, por vetëm një objektiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
