Vetëm pak ditë më parë futbollisti Mateo Kovaçiç, i ka dhënë fund beqarisë, duke lidhur kurorën me modelen bukuroshe kroate Izabel Andrenjiç dhe duke e çuar kështu një hap më tej lidhjen e tyre disavjeçare.
Por së fundmi, futbollisti kroat i madrilenëve dhe bashkëshortja e tij Izabel duket se po e shijojnë muajin e mjaltit.
Raportohet se dyshja po pushon në brigjet franceze.
Por ajo që ka tërhequr vëmendjen e mediave është se video e shkëputur nga një moment relaksi të çiftit, i cili është filmuar duke luajtur me top në anije.
Këtë video e ka publikuar në rrjetet sociale vetë Izabela dhe menjëherë ka vërshuar një lumë komentesh e pëlqimesh.
Nëse Mateo është një sulmues shumë i mirë, duket se nuk ngelet pas as Izabel, e cila rivalizon me të në mbajtjen e topit me kokë, si të ishte një profesioniste e vërtetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
