Drejtori i Përgjithshëm i Policisë së Kosovës, Samedin Mehmeti ka deklaruar se po hetohen 2-3 pista në lidhje me ngjarjen e rëndë që ndodhi një natë më parë në fshatin Gllogjan të Deçanit në Kosovë, ku për pasojë humbën jetën 4 persona.
Sipas Mehmetit ka dyshime që sulmi të jetë bërë nga një person i vetëm, i maskuar, i cili ka hapur zjarr ndaj autobusit, e për pasojë shoferi, ndihmësi i tij dhe dy nxënës mbetën të vdekur.
“Hetimet janë në intensitetin më të madh të mundshëm. Të gjitha njësitë janë këtu duke kryer hetimet. Janë dy apo tri pista dyshimesh. S’mund të jepen detaje, sepse pistat që po punojmë janë në fazën fillestare. Jemi në dy ose tri drejtime të caktuara. Kemi dyshime me bazë të caktuar, por është herët të themi se kemi person të dyshimtë”, ka thënë Mehmeti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
