Senati amerikan konfirmon Kash Patel në detyrën e drejtorit të FBI-së

<p>Kandidati i diskutueshëm i Donald Trump, Kash Patel, është konfirmuar nga Senati për të udhëhequr FBI-në. Lajmin e konfirmoi vetë presidenti Trump në rrjetin e tij, “Truth”.</p> <p>Patel fitoi me një diferencë të ngushtë, 51 me 49.</p> <p>Besniku i Trump, Patel e ka kritikuar ashpër agjencinë. Ai do të marrë drejtimin e FBI-së në një moment të trazuar, pasi Departamenti i Drejtësisë gjatë muajit të kaluar ka dëbuar një grup zyrtarësh të lartë të byrosë dhe ka bërë një kërkesë jashtëzakonisht të pazakontë për emrat e mijëra agjentëve që morën pjesë në hetimet në lidhje me trazirat e 6 janarit 2021 në Kapitolin e SHBA-së në Kongresin e SHBA-ve.</p> <p>Patel ka folur për dëshirën e tij për të zbatuar ndryshime të mëdha në FBI, përfshirë një numër të reduktuar agjentësh në selinë në Uashington dhe një theks të ripërtërirë në detyrat tradicionale të Byrosë për luftimin e krimit në vend të punës së mbledhjes së inteligjencës dhe sigurisë kombëtare, detyrat që e kanë definuar mandatin e saj gjatë dy dekadave të fundit.</p> <p>Mandati i drejtorit të FBI-së është 10-vjeçar.</p>