Dy ish-deputetët socialistë, që u arrestuan të dielën, Arben Çuko dhe Arben Ndoka, kërkojnë veçimin e dosjeve të tyre nga ajo e të arrestuarve të tjerë në kuadër të operacionit “Vol-vo4”.
Çuko dhe Ndoka janë paraqitur sot në Gjykatën e Krimeve të Rënda, ku mbahet seanca për rivlerësimin e masës së sigurisë.
Arben Çuko akuzohet si i përfshirë në korrupsion pasiv, gjatë kohës që ushtronte detyrën shtetërore. Ndërkohë Ndoka akuzohet për "tjetërsim prone".
Çuko dhe Ndoka u arrestuan pasditen e së dielës pas një hetimi të gjatë.
Emrat e dy ish deputetëve kanë dalë nga përgjimet e Prokurorisë prej vitit 2016 ndaj grupit të vëllezërve Avdyli që trafikonte drogë nga Shijaku.
Nga përgjimet doli se gjatë kohës që kryente detyrën e drejtorit të Përgjithshëm të Burgjeve, Çuko ka marrë një makinë luksoze si ryshfet për transferimin e një të dënuari për vrasje me pagesë në një burg të sigurisë së zakonshme.
Ndërsa ish-deputeti Arben Ndoka, ka qenë në dijeni të trafikut të drogës nga nipat e tij dhe është implikuar në tjetërsimin e pronave tek Rana e hedhun, në Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
