Mali në Zelandën e Re merr të njëjtat të drejta ligjore si një person fizik 

Malit Taranaki në Zelandën e Re i është dhënë e njëjta e drejtë ligjore si një person përmes një ligji të miratuar të enjten në Parlament.

"Personaliteti" i tij juridik ka një emër: Te Kāhui Tupua, të cilin ligji e sheh si "një tërësi e gjallë dhe e pandashme".

Marrëveshja synon të kompensojë fiset lokale Maori për padrejtësitë e bëra ndaj tyre gjatë kolonizimit, duke përfshirë konfiskimin e gjerë të tokës.

"Ne duhet të pranojmë lëndimin që është shkaktuar nga gabimet e së shkuarës, në mënyrë që të mund të shikojmë nga e ardhmja për të mbështetur iwi për të realizuar aspiratat dhe mundësitë e veta," tha Paul Goldsmith, ministri i qeverisë përgjegjës për negociatat.

Të drejtat ligjore të malit synojnë të ruajnë “shëndetin” dhe “mirëqenien” e tij. Ata do të përdoren për të ndaluar shitjet e detyruara, duke rikthyer përdorimet tradicionale që lejojnë ruajtjen e jetës së egër dhe florës. 

Është rënë dakord që  aksesi në mal nuk do të ndryshonte dhe se "të gjithë qytetarët e Zelandës së Re do të munden ta vizitojnë dhe shijojnë këtë vend më të mrekullueshëm për brezat që do të vijnë. Vlen për t’u theksuar që ky nuk është ekosistemi i parë natyror që merr statusin e personit juridik në Zelandën e re.

Në vitin 2014, pylli vendas Urewera u bë i pari që fitoi një status të tillë, i ndjekur nga lumi Whanganui në 2017.