Zyrtarët e Britanisë së Madhe dhe BE kanë rënë dakord për draftin e një marrëveshjeje Brexit në një përparim të rëndësishëm pas negociatave intensive këtë javë.
Një burim kabinetit i tha BBC se dokumenti është rënë dakord në një nivel teknik nga zyrtarët e të dyja palëve pas bisedimeve intensive këtë javë.
Një takim i posaçëm i kabinetit do të mbahet të mërkurën në orën 14:00, ndërsa Theresa May kërkon mbështetjen e ministrave.
Çdo ministri po i kërkohet të shkojë te kryeministri për bisedimet një-për-një të martën në mbrëmje.
Sekretari i Shëndetësisë Matt Hancock, Sekretari i Transportit Chris Grayling dhe shefi i kryeministrit Julian Smith janë midis atyre që janë parë të hyjnë në Downing Street.
Nga ana tjetër Boris Johnson dhe Jacob Rees-Mogg, i kanë kërkuar kabinetit të refuzojë projekt-marrëveshjen e cila përfshin angazhime mbi të drejtat e shtetasve pas Brexit, një periudhë tranzicioni prej 21-muajsh pas largimit të Mbretërisë së Bashkuar më 29 mars 2019 dhe detajet e të ashtuquajturës faturë divorci "39 miliardë paund".
E ardhmja e kufirit midis Irlandës së Veriut dhe Republikës së Irlandës ka qenë çështja e fundit kryesore e pazgjidhur që duhet të zgjidhet mes mosmarrëveshjeve se si të garantohet se nuk do të ekzistojnë kontrolle fizike të rifutur pas Brexit.
Ministrat e kabinetit u informuan mbi gjendjen e negociatave më herët të martën, kur atyre iu tha se "një numër i vogël i çështjeve të pazgjidhura" mbetën të renditura për tu negociuar.
“The Sun” raportoi se çdo ministri i është kërkuar të takohet kokë më kokë me kryeministren të martën në mbrëmje. Çështja e fundit që kërkoi më shumë bisedime ishte ajo e kufirit irlandez.
Më herët ministrat njoftuan se do të publikonin marrëveshjen e plotë përpara se ajo të miratimit përfundimtar nga Parlamenti.
Ndërkohë mësohet se Bashkimi Europuian tha se nuk do të vendosë regjim vizash për shtetasit britanikë, në rast se marrëveshja dështon.
Mbretëria e Bashkuar dhe BE duan të planifikojnë një samit të veçantë të udhëheqësve europianë në fund të nëntorit për të nënshkruar marrëveshjen e tërheqjes dhe një deklaratë skicë të marrëdhënieve të tyre të ardhshme përpara daljes në Mbretërinë e Bashkuar më 29 mars.
Në referendumin e 23 qershorit më 2016, 17.4 milionë persona apo 51.9 për qind e votuesve kanë përkrahur largimin nga BE-ja derisa 16.1 milionë të tjerë apo 48.1 për qind të tjerë kanë votuar kundër Brexitit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
