Personat që shikoni në fotografi janë Ervis Halimi, 22 vjeç, banues në Fier dhe Musa Gudo, 28 vjeç, banues në Portëz, Fier, të dyshuarit për grabitjen me pasojë vdekjen e një personi në Klos të Mallakastrës.
MCN Tv, ka siguruar fotografitë e dy autorëve të dyshuar, të arrestuar nga policia e Fierit, për dhunën me pasojë vdekjen e 89-vjeçarit Çaush Shehaj, në fshatin Klos të Mallakastrës.
Në videon më poshtë gjeni edhe pamjet e largimit pas grabitjes të dy të dyshuarve, aktualisht në prangat e policisë.
Krahas tyre, për të njëjtën ngjarje u procedua penalisht në gjendje të lirë shtetasi F. Ç., 16 vjeç, banues në Roskovec, për veprën penale “Moskallëzimi i krimit”.
Në cilësinë e provës materiale u sekuestrua arma e zjarri tip automatik me një krehër me fishekë.
Përveç viktimës të dyshuarit dhunuan edhe bashkëshorten e tij, por pa rrezik për jetën.
Të afërmit e viktimës deklarojnë se kjo është hera e dytë që çifti i të moshuarve bien pre e grabitjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
