Ministria e Jashtme të Shqipërisë ka reaguar pas deklaratës së Ministrisë së Jashtme Ruse, e cila tha se deklaratat e Ramës për miratimin e gjuhës shqipe në Maqedoni provokojnë marrëdhëniet ndëretnike.
Nëpërmjet një reagimi në rrjetin social "Twitter", Ministira e Jashtme thotë se Shqipëria mbetet e interesuar për harmoni etnik, stabilitet dhe prespektivë euroatlantike të Ballkanit Perëndimor.
"Ashtu si Rusia ne jemi të jashtëm në diskutimet e brendshme politike në Maqedoninë fqinje, dhe ne synojmë të mbetemi kështu. Por ne mbetemi më të interesuar për harmonin etnike, stabilitetin dhe perspektivë euro-atlantike të rajonit tonë", thuhet në deklaratën e Ministrisë.
Ministria thotë se shpreh keqardhje për keqinterpretimet që Ministria e Jashtme e Rusisë i ka bërë deklaratave të kryeministrit Rama.
"Ne shprehim keqardhje për keqinterpretimin e Ministrisë së Jashtme të Rusisë që i bëri deklaratës së kryeministrit Rama lidhur me ligjin e ri për përdorimin e gjuhës shqipe në Maqedoni. Në përgëzojmë miratimin e ligjit pasi ajo përmbush një nga angazhimet sipas marrëveshjes së Ohrit", thuhet në reagim.
Deklarata e ministrise se Jashtme te Rusisë
Ministria e Jashtme e Rusisë ka reaguar sot për deklaratën e kryeministrit të Shqipërisë, Edi Rama më 14 janar, sipas të cilit Partia Socialiste ka kontribuuar për krijimin e Ushtrisë Çlirimtare të Kosovës (UÇK) si dhe kontributin vendimtar të kësaj partie për miratimin e ligjit për përdorimin e gjuhëve nga Kuvendi i Republikës së Maqedonisë.
Ministria e Jashtme ruse thotë se këto deklarata konfirmojnë "qëllimin e zt.Rama që të vazhdojë të promovojë Platformën famëkeqe të Tiranës, të cilën ai ndihmoi për ta hartuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
