Ka ndërruar sot jetë në moshën 64-vjeçare gazetari dhe publicisti Artur Zheji.
Raportohet se ai ka pësuar arrest kardiak ndërsa po drekonte me familjen në restorant "Layos" në rrugën “Butrinti” në Sarandë.
Zheji ka ndërruar jetë gjatë transportit me ambulancë për në spital.
I biri i eruditit të njohur Petro Zheji, Artur Zheji ka qenë i angazhuar për dekada në lëmin e publicistikës dhe gazetarisë.
Veprimtaria e tij përfshin analiza politike, shkrime editoriale dhe drejtimin e programeve televizive.
Zheji ka patur role drejtuese në disa media si RTSH, Gazeta “Mapo” dhe së fundmi drejtonte emisionin politik “360 gradë”, që transmetohej në ABC News.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
