Kryeministri Edi Rama ka mbledhur ditën e sotme drejtuesit socialistë të qarqeve.
Në përfundim të takimit, mësohet se në takim u diskutua rreth organizimit të parlamentare të 25 prillit të ardhshëm, ndërsa porosia e Ramës ishte kryesisht për shërbimet e qytetarëve. Rama u ka kërkuar drejtuesve socialistë në qarqe që vëmendja e tyre të jetë te qytetarët, duke iu shërbyer sa më mirë të jetë e mundshme.
Mësohet se në mbledhje ka marrë pjesë edhe Ardian Çela, administrator i përgjithshëm i OSHEE. Merret vesh se është pikërsht Çela ai që është caktuar nga Rama si drejtues politik i qarkut Durrës për zgjedhjet e 2021.
Çela u përfol si një nga njerëzit për të qenë kandidat për postin e kryebashkiakut të Durrësit. Çela ka mbajtur detyrën e nenkryetarit të Bashkisë, përpara se të thirrej nga Rama në postin e administratorit të OSHEE.
Ardian Çela ka paraqitur gjatë mbledhjes dhe problematikat që ka qyteti bregdetar.
Kjo është mbledhja e dytë për ditën e sotme pasi paradite u zhvillua dhe një mbledhje tjetër ku pjesë e saj ishin dhe përfaqësuesit e qarqeve së bashku me grupin parlamentar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
