Arrestimi i gjashtë shtetasve turq në Kosovë dhe ekstradimi i tyre në Turqi ku akuzohen nga pushtetit i presidentit Recep Tayyip Erdogan, ka shkaktuar reagime të forta në qarqet e ndryshme të Bashkimit Evropian.
I fundit është reagimi i Rebecca Harms, zëdhënëse e Punëve të Jashtme dhe eksperte mbi Turqinë në grupin e të Gjelbërve në Parlamentin Evropian. Ajo i ka bërë thirrje BE-së që t’u japë azil politik dhe mbrojtje anëtarëve të Lëvizjes Gylen.
“BE-ja duhet të sigurohet që shtetet anëtarë të BE-së të reagojnë të bashkuara duke u ofruar azil politik gylenistëve dhe të sigurohet që brenda BE-së të mos jenë shtetet që janë me Turqinë e Erdoganit”, ka shkruar Rebecca Harms në një letër dërguar Federica Mogherini, nënkryetare e Komisionit të Bashkimit Evropian dhe përfaqësuese e lartë e BE-së për punë të jashtme, siguri e politikë, dhe Johannes Hahn, komisioner për politikat e fqinjësisë së BE dhe negociatat e zgjerimit.
Një koment të tillë zyrtarja e lartë e BE-së e bëri teksa e shpërndau një opinion të publicistit dhe gazetarit të njohur Nate Schenkkan në “Washington Post” që e cilësonte arrestimin e gylenistëve si sukses të “gjuetisë së Erdoganit dhe dorëzim të Kosovës para tij”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
