“Arrest me burg” ka caktuar ditën e sotme Gjykata e Tiranës, si masë sigurie për tre ushtarakët e arrestuar pas zbulimit të parcelës me kanabis në repartin ushtarak të Zall Herrit.
Në vijim të hetimit ndaj tyre do të qëndrojnë në qeli Gramoz Mullai, 52 vjeç, me detyrë Shef Seksioni i Sigurisë, Rustem Koçi, 25 vjeç, me detyrë Specialist për Zbulimin dhe Gentian Zhurda, 45 vjeç, me detyrë Specialist Sigurie.
Prangosja e tyre u bë pasi nga kontrolli me dron i policisë u zbulua parcela me 125 bimë kanabis në territorin e repartit ushtarak.
Gjithashtu u proceduan në gjendje të lirë A. J., 41 vjeç, me detyrë Specialist Infrastrukture, P. H., 52 vjeç, me detyrë Zv/Komandant toge, I. D., 47 vjeç, me detyrë magazinier dhe P. D., 57 vjeç, me detyrë Komandant Reparti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
