Vetëm dy ditë më parë opinioni publik u njoh me një nismë të re të qeverisë shqiptare siç ishte ajo e krijimit të një shteti bektashi në Shqipëri.
Lidhur me këtë nismë, Olsi Jazexhi, pedagog i historisë së Lindjes së Mesme në një lidhje skype me MCN Informacion u shpreh se një deklaratë e tillë është tradhti kombëtare, antikushtetuese dhe kriminale.
Ai tha se kjo ide e Ramës ishte e pa konsultuar dhe nuk mendon se do të krijohet, por nëse ndodh kërcënon ekzistencën e Shqipërisë.
Populli shqiptar ka një thënie që hedh një budalla një gur në lumë dhe shkojnë 100 të tjerë dhe se nxjerrin dot. Kjo ide e shtetit bektashian është hedhur si ide nga kryeministri Rama, një ide që ka kapur të surprizuar dhe vetë bektashinjtë dhe mesa duket është një ide e vetëm kryeministrit i cili duke qenë se ka arritur një sundim absolut në Shqipëri dhe ai tani bënë çdo propozim dhe njerëzit e marrin seriozisht.
Nga ana juridike, një deklaratë e tillë është tradhti kombëtare sepse në kushtetutën e Shqipërisë shkruan qartë se republika e Shqipërisë është shtet unitar dhe i pandashëm, pra askush nuk mund ta ndajë territorin e Shqipërisë siç ju tek Ramës, është antikushtetuese, është krim dhe krimi nga kodi penal i republikës së Shqipërisë dënohet dhe sipas kodit penal një personi të tillë duhet të dënohet nga 15 vite deri në burgim të përjetshëm.
Pra kjo deklaratë e Ramës është kriminale dhe antikushtetuese dhe nëse në Shqipëri do kishte një gjyqësor të pavarur Ramës do duhet ti viheshin prangat.
I pyetur se kush po e sponsorizon këtë ide të kryeministrit dhe si pritet të ndikojë krijimi i tij, Jazexhi u shpreh se pas kësaj deklarate mund të fshihet Izraeli ose ata që pastrojnë paratë e pista.
Ka shumë mundësi që të jetë ndoshta kërkesë izraelite për të krijuar një antipapë, masoneria franceze kur ka luftuar me papët e Romës gjithmonë krijonte një antipapë dhe ne sot e dimë që Izraeli është në luftë me botën myslimane dhe atij i nevojitet një islam tjetër.
Ka shumë mundësi që kjo ide që Rama ka hedhur pa u konsultuar, sepse dhe baba Mondi ka mbajtur disa qëndrime. Dervishët janë të gjithë të surprizuar. Mendoj se nuk ka shanse të krijohet një shtet i tillë sepse çdo qytetar shqiptar ka të drejtën e tij ligjore ta çojë në gjykatën kushtetuese. Nëse ndodh do të sjellë precedentin e një shteti shqiptar sepse nëse do kemi krijimin e një shteti bektashian, dhe minoritetit grek në Himarë i lind e drejta të krijojë shtetin e Epirit.
Pra kjo që po bën Rama është e rrezikshme sepse kërcënon ekzistencën e Shqipërisë. Nuk mendoj se amerikanët duan shpërbërjen e Shqipërisë por duan ekzistencën e saj sepse ne jemi në prag të një lufte botërore dhe ata kërkojnë sa më shumë stabilitet.
Tani Rama ka një problem me ata që pastrojnë para dhe me krijimin e këtij shteti do të krijojë një shtet që qëndron jashtë juridiksionit dhe Rama në këtë territor ndoshta kërkon ti japë statusin e një shteti dhe të hapë ndoshta një bankë që siç ndodh në Itali që në bankat e Vatikanit dhe Monakos pastrohen paratë dhe ndoshta kjo është ajo që po synon përmes kësaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
