Italia ka pezulluar vaksinimin me AstraZeneca për personat nën 60 vjeç. Personat nën 60 vjeç që kanë marrë tashmë dozën e parë të AstraZeneca, do të marrin dozën e dytë të Pfizer ose Moderna.
Vendimi vjen menjëherë, pasi këtë javë autoritetet shëndetësore njoftuan se një 18-vjeçar në Italinë veri-perëndimore kishte humbur jetën 2 javë më parë pas vaksinimit me AstraZeneca.
Kërkimet në Mbretërinë e Bashkuar zbuluan se gjasat e mpiksjes së gjakut të ndodhnin ishte një në 250,000 ose o.0004%.
"Situata e ndryshuar epidemiologjike ka çuar në një rivlerësim të raportit rrezik-përfitim për grupmoshat më pak të rrezikuara nga format e rënda të Covid-19", tha Komiteti Teknik dhe Shkencor i qeverisë Italiane (CTS).
Italia bllokoi vaksinimin e AstraZeneca në mars për shkak të frikës nga shëndeti, por pasi agjensia e ilaçeve e BE dha dritën jeshile, ajo u miratua për të gjithë mbi 18 vjeç, raporton AFP.
Ministri i Shëndetësisë Roberto Speranza tha: Vendimi për të vaksinuar me AstraZeneca vetëm personat mbi 60 vjeç “do të ketë një efekt në fushatën e vaksinimit, por unë jam i sigurt që në korrik dhe gusht situata do të përmirësohet”.
Ka pasur një rënie të theksuar të rasteve në Itali kohët e fundit dhe kufizimet do të hiqen në pjesë të mëdha të vendit nga java e ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
