Edi Puka, ekspert edukimi deklaroi në studion e emisionit “MCN Economy” se rreth 45% e nxënësve nuk e zgjedhin në mënyrë racionale degën që do të studiojnë në Universitet. Duke vijuar më tej me logjikën e tij, Puka tha se në këto zgjedhje mbizotëron dëshira. Sipas Pukës, Këshillimi i Karrierës duhet të fillojë më herët dhe të mos jetë vetëm në disa klasa në gjimnaz. "Nga të dhënat e INSTAT dhe të dhënat e Universitetit Europian kemi pasur kontradikta. Kemi pasur të dhëna që e ndjekim në mënyrë jo racionale. 45% e studentëve nuk e zgjedhin nën mënyrë racionale në atë që janë të formuar. Në botë 95% e zgjedhin në mënyrë logjike. Ne e zgjedhim në bazë të dëshirës, dëshira prevalon. Këshillimi i Karrierës është lënë vetëm në disa klasa në gjimnaz. Këshillimi në formën e kulturës dhe edukimi për të përzgjedhur se çfarë do bëjë ai duhet të fillojë më herët. Jo detyrimisht familja është këshilluesi më i mirë. Këshillimi i Karrierës duhet të fillojë që fëmijë'.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
