Instagram vjen me risinë për të zbuluar vendet me interes

Mark Zuckerberg, CEO i Facebook-Meta, njoftoi se kompania po prezanton një përvojë të re dinamike kërkimi dhe harte në Instagram.

Risia do t'i lejojë përdoruesit të shfletojnë vendndodhjet më të njohura të shënuara rreth tyre dhe të filtrojnë rezultatet bazuar në kategori specifike, duke përfshirë restorantet, baret dhe sallonet e bukurisë.

Përpara këtij përditësimi, hartat e Instagramit thjesht tregonin etiketën e vendndodhjes së përmbajtjes së postuar.

Në fakt, me përditësimin, shërbimi është frymëzuar nga Google Maps, duke u përpjekur të ngjall interesin e përdoruesve edhe më të vjetër, të cilët kërkojnë këshilla në rrjetet sociale për vendet që duhen vizituar, veçanërisht gjatë pushimeve.

Ndryshe nga konkurrenca, hartat e Instagramit pasurohen natyrshëm me informacione që vijnë nga përdoruesit që kanë vizituar vende të veçanta, duke postuar foto dhe video rreth tij.

Pavarësisht nëse janë aktivitete komerciale apo bukuri natyrore, thjesht klikoni në një pikë me interes për të shfletuar përmbajtjen më të mirë për të.

Sa herë që një mik etiketon një vendndodhje ose përdor një hashtag për ta nënvizuar atë, si p.sh. #Rome, klikimi mbi të do të hapë hartën me pikat e interesit aty pranë.

Ju gjithashtu mund t'i ndani vendet nëpërmjet mesazheve të drejtpërdrejta me miqtë ose grupet. Gjithashtu, nëse profili juaj është publik, mund të përdorni etiketat e vendndodhjes ose ngjitësit në përmbajtjen tuaj për ta bërë hartën të shfaqet që të tjerët ta shohin automatikisht.