Tashmë familjarëve të pacientëve të shtruar në Infektiv u është sosur durimi duke pritur me ditë të tëra pa asnjë informacion. Të shqetësuar, ata shprehen për TvT se më shumë po i sëmurin pacientët duke i mbajtur në ambulancat që qëndrojnë në diell për orë me radhë.
"Ka që në orën 7 të mëngjesit, në furgon. A nuk i bën dëm ai diell. Ne rrimë e presim, në dorë të Zotit".
Ndërkohë një tjetër familjare, tregon rastin e bashkëshortit të saj që e sorollatën në spitale pasi nuk pranonin ta shtronin. Ajo thotë për TvT se në fillim ia shtruan bashkëshortin në Sanatorium dhe më pas e transferuan në Infektiv pa i dhënë asnjë shpjegim.
"Na nisën te Shefqet Ndroqi. Nuk na pranuan brenda. Nuk kam marrë asnjë përgjigje. Ai nuk qështë me Covid, është i sëmurë nga mushkëria".
Tejmbushja e spitaleve COVID ka shqetësuar tej mase familjarët e pacientëve, të cilët s’dinë çfarë të besojnë më, por u ngelet vetëm të presin se mos marrin ndonjë përgjigje nga stafet mjekësore.
Problematikat me mungesën e shtetërve në spitale dhe kapaciteteve për të përballuar fluksin e lartë të pacientëve me Covid 19, përveç mediave e kanë denoncuar në mënyrë të vazhdueshme edhe mjekët. Megjtihatë, autoritetet shtetërore nuk e kanë pranuar një realitet të tillë, duke u shprehur se gjithçka po ndodh konform rekomandimeve të Organizatës Botërore të Shëndetësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
