"E mora në telefon disa herë, por asnjë përgjigje. Po bëhesha merak". Kështu e rrëfen Valeria Marini përvojën e fundit me sëmundjen e ish-bashkëshortit, Vittorio Cecchi Gori. Ata kanë qenë bashkë për 7 vjet, shpesh plot konflikte që kanë përfunduar në media. Tashme janë ndarë, por ruajnë një marrëdhënie të mirë. Ish-show girl nuk i braktis njerëzit e dashur kur ata kanë nevojë. Cecchi Gori ka pak që ka dalë nga koma. Pranë tij janë edhe ish-gruaja Rita Rusic dhe dy fëmijët. Nëse gjithçka shkon sipas parashikimit të mjekëve, ai do të lërë spitalin "Gemelli" të Romës brenda 24 orësh. Ish-pronari i Fiorentinës, ish-producent dhe njeri me pushtet e para në Itali, Cecchi Gori po jeton një moment të vështirë. Kohët e fundit është shfaqur në televizion mbipeshë dhe ka deklaruar shpesh se ndihet i braktisur dhe i vetmuar. Përveç ish-partneres Valeria dhr familjes së saj, pak miq e kanë vizituar kohët e fundit. Marini rrëfen se ata kishin planifikuar t'i kalonin bashkë Krishtlindjet, sepse nuk donte ta linte vetëm. Por natën e Krishtlindjeve, ai kishte fikur telefonin. "E kuptova që i kishte ndodhur diçka dhe njoftova doktorin që e ndiqte. Ai më tha që Vitorio nuk ishte aspak mirë dhe e kishin çuar në spital. Për fat e kuptuan menjëherë problemin që kishte dhe e çuan në reanimacion, ku ndodhet tani", tregon Marini per Corriere della Sera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
