Një mjek 57-vjeçar që rezultoi pozitiv për koronavirus ndërkohë që ishte duke punuar në një spital në qytetin e Codogno të Italisë ka ndërruar jetë.
Marcello Natali ishte shtruar në spital në Kremones para se të transferohej në Milano pasi zhvilloi pneumoni të dyfishtë. Në një nga intervistat e fundit që dha para se të testohej për COVID-19, ai kishte deklaruar për “Euronews” se i duhej të punonte pa doreza ngaqë kishin mbaruar.
Ai gjithashtu tha se në Codogno dhe Casale, 14 nga 35 mjekë ishin në karantinë ose të shtruar në spital që nga 28 shkurt.
"Ne nuk ishim të përgatitur për koronavirus: si doktorë të epokës pas antibiotikut, ne u rritëm duke menduar se një pilulë kundër gjithçkaje ishte e mjaftueshme", ishte shprehur ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
