Partitë politike në Kosovë kanë mbyllur fushatën për zgjedhjet parlamentare të 9 shkurtit, mes debateve për problemet e trashëguara dhe ndarjeve të thella lidhur me politikat e brendshme, por edhe ato të jashtme.
Analisti Sadri Ramabaja në analizën e tij për “MCN live”, thekson se përgjatë fushatës u vu re një tension i madh politik, që nuk u përqendrua vetëm në fushatat zgjedhore, por edhe në studiot televizive, ku shpeshherë tensionet kalonin nga një studio në tjetrën, duke nxitur një “luftë hibride”.
Kosova ka një traditë të fortë në organizimin e zgjedhjeve, por këto zgjedhje kishin disa veçori të veçanta krahasuar me ato të mëparshme. Ato erdhën si rezultat i një qeverisjeje katërvjeçare dhe, ndryshe nga zgjedhjet e mëparshme, ato kishin një frymë plebishitare. Nuk ishin thjesht zgjedhje të zakonshme, por një mobilizim masiv, ku shprehej edhe mundësia që qeveria të vazhdonte mandatin e saj.
Nëpërmjet këtyre zgjedhjeve, tensioni politik ishte i pranishëm, dhe kjo ka ndikuar në fushatat zgjedhore që u zhvilluan në televizion dhe në studio, ku tensionet shpesh kalonin nga një studio në tjetrën.
Përveç kësaj, ka pasur thashetheme se mund të ketë një largim të mundshëm të ndikimit të SHBA-së, që ka nxitur edhe një "luftë hibridike" mes forcave që mbështesin ndryshime të thella në politikën e Kosovës dhe atyre që janë pro Serbisë. Kjo ka shkaktuar një tension të madh, veçanërisht në mesin e mediave dhe zërave që janë shumë kritikë ndaj qeverisë së Kurtit dhe që po zhvillojnë një mobilizim të fortë kundër tij.
Ramabaja pohon se veçanërisht në veri të Kosovës, ka nisur “blerja” e votës, duke shpërndarë 170€ për serbët që të votojnë me imponim për Listën Serbe.
Ky tension, përveç ndikimit të brendshëm, kishte elemente të asaj që mund të quhet "luftë hibridike", e udhëhequr nga faktorë të jashtëm, siç ishte ndikimi i Serbisë.
Serbia ka përdorur mjetet e saj për të krijuar tensione dhe për të imponuar një votim për Listën Serbe, duke shpërndarë rreth 170 euro në rajonin e veriut të Kosovës, si pjesë e një strategjie për të forcuar ndikimin e saj edhe pse janë edhe katër forca tjera të partise serbe, pjesmarrëse në zgjedhje.
Ky mobilizim dhe përpjekjet për të ndikuar në zgjedhje kanë pasur një ndikim të fuqishëm dhe kanë ngjallur një luftë të ftohtë, që ka shkuar përtej kufijve të Kosovës, duke përfshirë edhe diplomacinë ndërkombëtare, siç ishte angazhimi i diplomatit amerikan Richard Grenell, i cili ka dhënë hapësirë për përpjekje të tjera për të ndikuar në rezultatet e zgjedhjeve.
Për sa më lart, analisti Ramabaja kritikon deklaratat e Grenell kundër Kurtit, duke i cilësuar ato si “cicërima” të një zyrtari pro-serb që kanë pasur një efekt të kundërt.
Ramabaja e konsideron këtë si një formë të “makiavelizmit” dhe thotë se qytetarët e Kosovës e kanë kuptuar këtë dhe e kanë mobilizuar mbështetjen e tyre për VV.
Para dy javësh në reagimin e Greenell për protesta në Serbi ai mbështet hapur Vuçiç. Çfarëdolloj impenjimi i tij rreth Kosovës e bën deklaratën e tij të pabesueshme. Shto kësaj edhe një varg akuzash ireale, inekzistente dhe të pabesueshme. Kosova nuk ka përplasje me Bashkësinë Ndërkombëtare, Kosova ka pasur raporte te mira me administratën e Biden.
Pra, Grenell gënjen dhe gënjeshtra e tij lexohet qartë por insistimi i tij është në përputhje edhe me interesat e tij personale dhe të biznesit, në përputhje edhe me miqtë e tij sepse skandali që u zbulua dje se miqtë e tij në Prishtinë kanë përfituar nga fonde të veçanta amerikan deri në 10 milion dollar. Pra, kemi të bëjmë më një lloj ‘makiavelizmi’ të llojit të vet, që qytetaria në Kosovë e ka lexuar dhe në vitin 2021 dhe tashmë vetëm sa e ka mobiluar këtë qytetari.
Kjo është një cicërimë e një zyrtari pro opozitës dhe pro Serbisë, i cili e dhe para katër vitesh ka ndikuar për rrëzimin e Qeverise Kurti 1.
Në rrafshi politik pragmatik, mendoj se VV-s këto cicërima vetëm sa i kanë shërbyer që më 1 -2 % të shtoj elektoratin e saj në këto zgjedhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
