Teherani: Ende nuk kemi vendosur nëse do të marrim pjesë në bisedime

Zëdhënësi i Ministrisë së Jashtme iraniane, Esmaeil Baghaei, tha se Irani ende nuk ka vendosur nëse do të marrë pjesë në raundin e ri të bisedimeve me Shtetet e Bashkuara. 

Ebrahim Azizi, kryetar i Komitetit të Sigurisë Kombëtare të Parlamentit iranian, në një intervistë me Al Jazeera, foli hapur për pjesëmarrjen e Iranit në bisedimet në Islamabad, por me kushte të caktuara.

 

Ai tha se Irani ka vendosur të vazhdojë bisedimet me Shtetet e Bashkuara, por kjo "nuk do të thotë negociata me çdo kusht" ose pranim i "çdo qasjeje të miratuar nga pala tjetër".

“Irani ka vendosur vija të kuqe dhe këto duhet të respektohen", tha ai.
 

I pyetur nëse Irani do të dërgojë një delegacion në Islamabad, Aziz u përgjigj se kjo varet nëse Teherani merr "sinjale pozitive".