Gazetarja Ola Xama, duke komentuar në emisionin “Të Paekspozuarit” në MCN Tv, akuzat ndaj ish-presidentit Ilir Meta, përmendi rastin e ish-deputetit të LSI-së në Shkodër, Agron Çela që i është bashkuar PS-së dhe kryebashkiakut të Himarës Vangjel Tavo të cilët janë lënë jashtë hetimit.
E vetmja lidhje për marrjen e parave të dyshuara bëhet përmes dy kompanive, njëra prej te cilave është kompania fundore “Xhenis”, kompania e deputetit Agron Çela që ka qenë me LSI-në dhe që ka marëveshje dhe i është bashkuar PS-së.
Çela ka thënë se kompania që i ka bërë transfertën nuk e njeh. Prokuroria e ka marrë të besueshme këtë edhe pse aty është fakti që kompania DIA, përmes kompanisë BSK i ka dëguar një transfertë 168 mijë euro kompanisë Xhenis të zotit Çela që i ka marrë këto para. Nëse ia ka dhënë Metës këtë duhet ta hulumtojë Prokuroria e Posaçme.
Ka edhe një moment tjetër me kontratat e lobimit. Në kallëzimin që ka qenë për lobimin, palë ka qenë edhe Vangjel Tavo, që ka thënë se nuk e njeh shtetasin grek dhe as kompaninë “Dorelita”, ndërkohë që është një foto e zotit Tavo me përfaqësuesin e kompanisë greke që ka bërë pagesën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
