Pas zgjedhjeve të 30 qershorit, aleatët e Partisë Demokratike lënë të hapur mundësinë e rikthimit të protestave. Pas takimit që patën sot në selinë blu, ata thanë se vendimi për rikthimin e protestave do të merret në vijim.
“Besoj se kjo është një nga vendimet që do të merret në vijim. Zgjedhjet e kësaj radhe vërtetuan qëndrimin tonë prej kohësh”, tha në emër të PDIU-së, Mesila Doda.
Ndërsa kryetari i Partisë Republikane, Fatmir Mediu, tha se raporti paraprak i OSBE/ODIHR tregoi atë që opozita kishte paralajmëruar.
“Raporti i OSBE tregon se nuk është plotësuar asnjë kusht. Shqiptarët e dinë se çfarë ka ndodhur . Mendoj se çdo gjë që garanton zgjedhje të lira dhe të ndershme, duhet të vijohet”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
