Një tërmet me magnitudë 7.3 ballë tronditi ishujt Kermadec, një arkipelag i Zelandës së Re në Oqeanin Paqësor, të hënën, ndërkohë që nuk raportohen dëme apo viktima.
Shërbimi Gjeologjik i SHBA-së, i cili monitoron aktivitetin sizmik në mbarë botën, tha se tërmeti goditi në orën 12:41 me orën lokale dhe ishte vendosur në një thellësi prej 33 kilometrash.
Vendet më të afërta me epiqendrën e tërmetit janë Gjiri i Hicks, rreth 910 kilometra nga tërmeti dhe qyteti i Whangarei, 964 kilometra larg. Pas tërmetit të fortë, Shërbimi i Paralajmërimit të Cunamit në Paqësor lëshoi një paralajmërim për cunami dhe paralajmëroi mundësinë e valëve të rrezikshme të cunamit, 300 kilometra nga epiqendra e tërmetit përgjatë bregut të ishujve Kermadec.
Ishujt Kermadec, të cilat shtrihen midis Zelandës së Re dhe Tongës, janë të pabanuara, me përjashtim të personelit në bazën e përhershme në ishullin Raoul, i cili ka një stacion moti dhe radio.
Zelanda e Re ndodhet në vijën e thyerjes midis pllakave tektonike të Paqësorit dhe përjeton rreth 14.000 tërmete çdo vit, ku rreth 150 prej tyre janë mjaft të fuqishëm për t’u ndjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
