Aksident me pasojë një person të vdekur dhe dy të plagosur është regjistruar paraditen e sotme në Divjakë.
Ngjarja ka ndodhur rreth orës 10:25 në rrugën e plazhit, ku një makinë tip “Audi” ka dalë nga rruga dhe është përplasur me një pemë.
Si pasojë e përplasjes ka humbur jetën 19-vjeçarja E.M., e cila udhëtonte si pasagjere, ndërsa ka mbetur i plagosur drejtuesi i saj V.H., dhe një tjetër pasagjer në mjet ende i paidentifikuar.
Të plagosurit janë dërguar me urgjencë në spitalin rajonal të Lushnjes dhe ndodhen nën kujdesin e mjekëve.
Policia e cila ka shkuar në vendngjarje po punon për zbardhjen e plotë të shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
