Soko: Mbledhja e Asamblesë së PS-së, për të dhënë mesazhe se ku do të ‘godasë’ SPAK-u

Eksperti i ekonomisë Pano Soko thotë në studion e MCN Live se mbledhja e Asamblesë Kombëtare të PS-së për të dhënë mesazhe se ku do të “godasë” SPAK.

Duke vijuar më tej, Soko theksoi se mesazhet nuk dalin pa lejen e kryeministrit Rama.

Nga pikëpamja e marrëdhënieve me publikun e pashë mbledhjen e zotit Rama si një mbledhje plenumesh. Jo se kishin substancë, jo se donte të thoshte diçka se ato që u thanë ishte retorikë boshe për të mbushur atë pikturë të mbledhjes së PS-së, besoj se mesazhet ishin ato që vetë Rama nxori.

Mbledhja nuk u bë për të nisur ndonjë punë, as për të ndezur motorët, as për të ngrohur kambiot, u bë sepse duhet të dilnin këto mesazhe.

Kur këto mesazhe fillojnë e dalin, shikojmë dhe projektojmë dhe goditjet politike, drejtimet ku do të shkojë SPAK-u.

Nga një mbledhje hermetike, dalin ca mesazhe. Nuk dalin mesazhet pa lejen e Ramës, ato dalin kur do Rama të nxjerri ca mesazhe. Janë mesazhe që dolën se Rama donte t’i nxirrte.

Ishte stisje në formë për të nxjerrë këto mesazhe.

Kupton që ndoshta ky do të jetë horizonti i ri i SPAK.