Vlorë, gjenden eshtra njeriu në Pyllin e Sodës (Video)

Në zonën e Pyllit të Sodës në Vlorë, mesditën e sotme janë gjetur disa eshtra njeriu, duke bërë që policia të rrethojë zonën.

Eshtrat po merren nga ekspertët e policisë ligjore, për t’u dërguar në laborator.

Pamjet nga vendi i ngjarjes i gjeni në videon që sjell MCN Tv, ndërkohë që nuk dihet se kujt i përkasin dhe as cilës periudhe.

Policia po vijon hetimet për të zbuluar se kujt i përkasin eshtrat dhe rrethanat në të cilat viktima mund të ketë humbur jetën.

Policia tha zyrtarisht se:

Në lidhje me një lajm të publikuar në media, për disa eshtra njeriu të gjetura në pyllin e Sodës, ju bëjmë me dije se: 

Menjëherë pas marrjes së njoftimit, në vendngjarje ka shkuar grupi hetimor. Paraprakisht nga veprimet e para, dyshohet se mbetjet kockore nuk janë të natyrës njerëzore.  

Mbetjet kockore do të dërgohen në Institutin e Mjekësisë Ligjore, për ekzaminime të mëtejshme.