Ministria e Jashtme e Moskës thotë se ka zgjeruar listën e zezë të njerëzve, përfaqësuesve të institucioneve evropiane dhe vendeve anëtare të BE të cilëve u ndalohet të hyjnë në territorin rus në përgjigje të paketës së fundit të sanksioneve të BE-së. Në një deklaratë të lëshuar pasi paketa e 11-të e sanksioneve të BE-së kundër Rusisë për luftën në Ukrainë u miratua zyrtarisht nga Këshilli, ministria thotë se vendimi prek përfaqësuesit e strukturave të sigurisë, organizatat shtetërore dhe tregtare të vendeve të BE-së dhe qytetarët e vendeve anëtare të përfshira në ofrimin e ndihmës ushtarake në Kiev. Vendimi ka të bëjë gjithashtu me eurodeputetët që promovojnë një axhendë konfliktuale me Rusinë. “Ne konfirmojmë se çdo veprim armiqësor nga vendet perëndimore do të vazhdojë të marrë një përgjigje në kohë dhe adekuate”, paralajmëron Ministria e Jashtme në Moskë, sipas së cilës BE-ja vazhdon të përpiqet të ushtrojë presion mbi Rusinë përmes masave kufizuese të njëanshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
