Apeli i GJKKO-së refuzon praninë në seancë të avokatit amerikan të Veliajt 

Gjykata e Apelit të GJKKO-së ka refuzuar praninë e avokatit të huaj të kryebashkiakut Erion Veliaj në seancën e sotme, raporton gazetari Arsen Rusta.

Avokati amerikan Joshua Roberts kërkoi të ishte i pranishëm në rolin e vëzhguesit dhe konsulentit, por nuk u lejua.

Avokati Joshua Roberts eshte pjesë e studios ligjore amerikane Kasowitz Benson e Torres LLP.

Në një raportim për MCN Live gazetari Arsen Rusta bën me dije:

“Joshua Roberts sot u paraqit në gjykatë, në rolin e konsulentit dhe vëzhguesit, dhe nuk është lejuar me vendim të gjyqtarit Engert Pëllumbi. Një avokat i huaj së pari duhet të jetë i atashuar dhe i regjistruar në Dhomën e Avokatisë së Shqipërisë ose në një dhomë lokale. Do duhet të ketë një nr. licence ose një adresë fizike në Shqipëri, gjë që Joshua Roberts nuk i ka, por ka kërkuar të jetë i pranishëm si konsulent. Kodi jonë i procedurës penale s’e lejon praninë e avokatëve apo të konsulentave në këtë mënyrë. Kur seanca është e hapur atëherë mund të atashohet dhe të qëndrojë çdo kush”. 

Kryebashkiaku i Tiranës Erion Veliaj ka kërkuar në Apelin e GJKKO që të zbutet masa e tij e dhënë më herët, "arrest me burg".

Në seancën e sotme gjyqësore do të vendoset nëse do rrëzohet apo jo kërkesa e tij për masë më të lehtë sigurie.