Me sulmin ndaj Ukrainës, Moska iu përgjigj "një kërcënimi të drejtpërdrejtë pranë kufijve rusë", sepse "ishte përgatitur një sulm, duke përfshirë edhe Krimenë".
Në këtë mënyrë, presidenti rus Putin e shpjegoi nisjen e invazionit në Ukrainë. Në Ditën e Fitores mbi Nazistët, gjatë paradës tradicionale, Putin tha se "tmerri i një lufte globale nuk duhet të përsëritet".
Ai shtoi se ushtarët rusë po luftojnë “për popullin tonë në Donbas dhe për sigurinë e atdheut”. Rusia ka dashur gjithmonë "një sistem sigurie të pandarë, por NATO nuk na ka dëgjuar". "Agresioni" i Krimesë "ishte një kërcënim në kufi, i papranueshëm për ne. Rreziku rritej çdo ditë, i yni ishte një akt parandalues, një vendim i nevojshëm dhe i drejtë". Putin nuk ka dyshim se ai që ai e quan operacioni ushtarak special në Ukrainë do të japë rezultate. "Nëse do të kishte pasur gjithashtu një shans për të zgjidhur çështjen e Ukrainës në mënyrë paqësore, Rusia do ta kishte përdorur atë," shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
