Në votimet e së dielës për zgjedhjen e kryebashkiakëve dhe këshillave bashkiakë, zyrtarisht konfirmohet pjesëmarrja e votuesve në masën 36.31%.
Të paktën kjo është shifra që jepet nga Komisioni Qendror i Zgjedhjeve lidhur me pjesëmarrjen, por deri në orën 18.00 të pasdites së djeshme.
Ajo qe vihet re është një rënie e ndjeshme e numrit të pjesëmarrësve, të paktën nëse ngelemi në këto shifra, pasi në zgjedhjet parlamentare të vitit 2021 morën pjesë 46.32%.
Ndërkohë që pritej një përmbledhje në mos e rezultateve paraprake, e pjesëmarrjes në zgjedhje, nga ana e KQZ nuk ka një pasqyrë të plotë të pjesëmarrjes në zgjedhje dhe as një komunikim me shifra.
Në orën 19.00 ishte përmbyllja e orarit zyrtar të votimit dhe në këtë moment presupozohet se konludohet edhe numri i votuesve në zgjedhje.
Por kur kanë kaluar rreth 15 orë nga ky orar zyrtar, KQZ ende nuk ka pasqyruar se sa ka qenë pjesëmarrja e plotë dhe kjo duket se paralajmëron se për rezultatet e përgjithshme në 61 bashkitë e vendit për rezultatin final do të na duhet të presim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
