Presidenti i Ukrainës, Volodymyr Zelensky, ka reaguar ndaj Elon Musk, pasi shefi i Tesla-s postoi një sondazh në Twitter me sugjerimet e tij për t'i dhënë fund pushtimit rus.
Musk u kërkoi 107.7 milionë ndjekësve të tij të votojnë për idetë që përfshinin dhënien e territorit Rusisë.
Si përgjigje, Zelensky postoi sondazhin e tij duke pyetur përdoruesit nëse u pëlqente më shumë personi më i pasur në botë kur ai mbështeti Ukrainën. Ukrainas të tjerë kritikuan zotin Musk.
Ambasadori në largim i Ukrainës në Gjermani, Andrij Melnyk përdori një shprehje të fortë, të cilën ai e përshkroi si "përgjigjja e tij shumë diplomatike".
Ndërkohë, mjeshtri rus i shahut Garry Kasparov tha: "Kjo është idiotësi morale, përsëritje e propagandës së Kremlinit, një tradhti e guximit dhe sakrificës ukrainase".
Idetë e Musk përfshinin vota në pjesë të Ukrainës të pushtuara nga Rusia që Rusia thotë se po i anekson. Multimiliarderi tha: “Rusia largohet nëse ky është vullneti i popullit”.
Presidenti rus Vladimir Putin ka shpallur tashmë katër rajone të Ukrainës si pjesë të Rusisë, pas të ashtuquajturave referendume të denoncuara si mashtruese nga Kievi dhe aleatët e tij perëndimorë. Rusia nuk kontrollon plotësisht asnjë nga katër rajonet.
Musk sugjeroi gjithashtu se bota duhet ta njohë zyrtarisht Krimenë e aneksuar nga Rusia në vitin 2014 si pjesë e Rusisë.
Dhjetë orë pasi u postua sondazhi kishte tërhequr më shumë se 2 milion vota. Zelensky iu përgjigj me sondazhin e tij duke pyetur: "Cili @elonmusk ju pëlqen më shumë? Ai që mbështet Ukrainën [ose] Ai që mbështet Rusinë."
Më herët gjatë pushtimit rus, kompania e internetit satelitore e zotit Musk dërgoi pajisje në vend. Kjo fitoi popullaritetin e Musk në Ukrainë dhe më pas ai u ftua nga Zelensky për ta vizituar Ukrainën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
