Një ngjarje e rëndë vjen nga Meksika me fundin tragjik të një grupi prej pesë të rinjsh midis moshës 19 dhe 22 vjeç, të cilët u zhdukën nga 11 gushti në Lagos de Moreno, në rajonin Altos de Jalisco.
Ata u gjetën të vrarë dhe fotografitë e ndara në rrjetet sociale dokumentojnë krimin brutal.
Prokurorja speciale për personat e pagjetur, Blanca Trujillo, deklaroi se familjet raportuan se në bazë të pamjeve të analizuara, mund të bëhet fjalë për ata.
Në videon e tmerrshme të transmetuar në internet, viktimat shihen të rrahura dhe të lidhura dhe mjedisi është një lloj oborri teksa gjithçka ndodh natën.
Të rinjtë duket se u detyruan të rrihnin njëri-tjetrin dhe njëri prej tyre u detyrua të vriste edhe shokët e tij.
Sipas hetuesve, në rrëmbimin e tyre mund të jetë i përfshirë krimi i organizuar.
Rrëmbimi besohet të ketë ndodhur pasi ata morën pjesë në një panair lokal.
Viktimat janë Diego Alberto Lara Santoyo, Roberto Cuella Uriel Galvan, Jamie Miranda dhe Dante Hernandez të cilët po udhëtonin në dy automjete, kur u panë për herë të fundit të premten e kaluar në Zona El Mirador, në të njëjtën komunë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
