Kina renditet në listën e vendeve të mëdha që nuk e kanë njohur ende pavarësinë e Kosovës. Për ish-ambasadorin e Shqipërisë në Kinë, Hajdar Muneka, vetë Kosova dhe Shqipëria nuk kanë bërë mjaftueshëm në këtë drejtim. Në një intervistë për televizionin Tema, ish-diplomati shprehet se veç arsyeve të brendshme të Kinës, puna e pamjaftueshme lobuese e dy qeverive është bërë pengesë për njohjen e Kosovës si shtet.
Muneka ka shërbyer si ambasador i Shqipërisë në Kinë në vitet ’97-2000, periudhë që përfshin edhe luftën e Kosovës. Ai rrëfen se në atë kohë, bashkëpunimi me trupin diplomatik, faktorët ndërkombëtarw dhe qeverinë kineze ka qenë shumë pozitiv. Si shtet anëtar i Këshillit të Sigurimit në OKB, Kina nuk ka bllokuar rezolutat lidhur me Kosovën.
Jetën dhe përvojën në Kinë fillimisht si student dhe vitë më vonë edhe edhe si përfaqësues diplomatik i Shqipërisë, Hajdar Muneka e kë përmbledhur në një libër të botuar së fundmi që mban titullin “Dritëhijet e një miqësie që çuditi botën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
