Lëvizja Vetëvendosje ka njoftuar përmes një komunikate për media pas mbledhjes së kryesisë se do të bëjnë propozimin për mandatarin, pa treguar se kur do ta dërgojnë emrin te presidenti Hashim Thaçi.
Nga LV-ja kanë shkruar se kanë vendosur në bazë të aktvendimit të Gjykatës Kushtetuese që të bëjnë propozimin me anë të shkresës zyrtare, ditëve në vijim.
“Sot u mbajt mbledhja e Kryesisë së Lëvizjes Vetëvendosje. Në respektim të plotë të Kushtetutës së Republikës së Kosovës, Nenit 84 pika 14 dhe Aktgjykimit të Gjykatës Kushtetuese KO 103/14, subjekti ynë do të bëjë propozimin për mandatarin për Kryeministër. Këtë propozim do t’ia dërgojmë me shkresë zyrtare Presidentit të Republikës në ditët në vijim”, thuhet në njoftimin e LV-së.
VV thotë se pas pranimit të shkresës sonë zyrtare, në respekt të Kushtetutës, Nenit 95 pika 1, dhe Aktgjykimit të Gjykatës Kushtetuese presim që Presidenti t'ia drejtojë Drekretin me propozimin tonë Kuvendit të Republikës së Kosovës.
“Ndërkohë kanë rifilluar bisedimet me drejtuesit e Lidhjes Demokratike të Kosovës për marrëveshjen për koalicionin e ardhshëm qeverisës”, përfundon reagimi.
Gjithashtu, edhe anëtarja e kryesisë së VV, Arbërie Nagavci, tha para mediave se Grupi Punues i kësaj partie do të vazhdojnë takimet me LDK-në, e cila ndër tjera u shpreh shumë pozitive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
