Besimtarët myslimanë festojnë në fund të kësaj jave Kurban Bajramin.
Komuniteti Mysliman Shqiptar është shprehur se ende nuk është qartësuar plotësisht plani i veprimit për Kurban Bajram, por gjithsesi po mendohet të organizohet pak a shumë si vitin e kaluar, nëpër xhami, duke respektuar masat parandaluese; si veçim shoqëror, maska dhe dezinfektim të ambientëve.
TVT.al kontaktoi me zëdhënësin e KMSH-së. Agron Hoxhaj.
“Këto ditë do qartësohet më shumë plani i veprimit për Kurban Bajramin, por gjithsesi po mendohet të organizohet pas a shumë si Bajramin e kaluar, nëpër xhami dhe duke respektuar masat parandaluese (distancën fizike, maskat, dezinfektimin e ambienteve etj”, tha Hoxha.
Të paktën deri më tani, mendimi i Komunitetit Mysliman Shqiptar është se për Kurban Bajram, falja e mëngjesit nuk do të bëhet në sheshe, por vetëm në xhami dhe me një numër të reduktuar besimtarësh që do lejohen në ambientet e mbyllura.
Xhamitë nga ana tjetër po përgatiten për të respektuar masat që kërkohen për parandalimin e pandemisë.
Ambientet e tyre do të dezinfektohen, ndërsa në hyrje do të ketë dezinfektant për besimtarët, që nga ana tjetër do të duhet të sjellin me vete sixhadet e faljes.
Festa e Kurban Bajramit është ditën e premte, me datë 31 korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
