Kriza në PD, Maliqi: Me forcë apo pa forcë zyra e kryetarit do të hapet (VIDEO)

Lefter Maliqi Ish-deputeti i PD u shpreh sot nga studio e lajmeve të MCN TV se selia e PD do të hapet më datë 8-të me apo pa forcë.

Duke iu theksuar se dyert në seli janë të blinduara, Maliqi tha se nuk ka gjë që nuk hapet, “po çahen bunkerët e jo dyert e blinduara”, tha ai.

Siç u shpreh ai nëse Basha ka 90% të anëtarësisë siç thotë duhet të bëhet pjesë e garës dhe ata do ta urojnë.

“Shpresoj që pas 8 vitesh qeverisje, ky muaj do jetë i mbarë për Shqipërinë dhe opozitën në tërësi. Opozita ka mbetur peng. Ky vit ka nisur me vraje, plagosje etj. Kuvendi i 11 dhjetorit konfirmoi shkarkimin me votë të Bashës dhe thirrjen për protestën e datës 8-të. PD nuk merret përmes protestës këto janë përpëlitje të Bashës. Kuvendi e ka shkarkuar dhe data 8 është për të treguar se selia i takon shumicës. Nuk besoj të ketë rezistencë. Garda ka për detyrë ruajtjen e personaliteteve në rast rreziku, por garda nuk e lejon të shkojë në zyrë atë ditë.

Unë jam mbështetës i Berishës. Atë ditë do të futemi në seli, me forcë apo pa forcë do të hapet zyra e kryetarit. Nëse Basha ka 90% të anëtarësisë siç thotë le të bëhet pjesë e garës dhe ne do ta urojmë. Dyert janë të blinduara. Porta kryesore është e blinduar, por sido të jetë aty do futemi. Është bërë shkresa brenda forcës politike dhe është ligjore. Nuk ka gjë që nuk hapet. Çahen bunkerët e jo dyert e blinduara. Brenda 22 Marsit mbarojnë të gjitha procedurat. Në këtë moment nuk ka lidhje gjykata, ajo thjesht cilëson veprimet gjatë procesit të votimit”, tha Maliqi.