Së bashku me kryeministrin Edi Rama dhe deputeten Eglantina Gjermeni, Zëvendëskryeministri në detyrë i Kosovës, Behgjet Pacolli, ka vizituar një grup banorësh të prekur nga tërmeti, të cilët janë strehuar në palestrën e shkollës.
Gjatë bashkëbisedimit me banorët, Rama ka premtuar rikonstruksion dhe në disa raste rindërtim nga e para të banesave të dëmtuara.
“Krujë, me Eglantinën, deputeten e zonës që meriton njëmijë urata për shërbimin e përulur, që u ka bërë krejt larg syve të medias familjeve të mbledhura në kampin e Thumanës, pa pushim e pa i’u ndjerë zëri, së bashku me rrjetin e vajzave vullnetare, krahas trupave të shtetit”, shkruan Rama.
Zëvendëskryeministri në detyrë i Kosovës, Behgjet Pacolli, i cili ka dhuruar 1 milionë euro për të prekurit nga tërmeti i 26 nëntorit në Shqipëri, do të ndërtojë vet banesa për ata që mbetën pa çati në kokë. Si një ndërtues me eksperiencë në këtë fushë, Pacolli sugjeroi që në qytetin e Krujës, pallatet dhe shtëpitë e shembura të ndërtohen në pjesën e poshtme të qytetit, duke i dhënë hapësirë zonës turistike. Por në të njëjtën kohë duke i afruar banesat me shkollat, kopshtet e çerdhet.
Pacolli tha se ka nisur nga puna për të bërë projektin e pallateve, ndërsa tha se nëse nuk krijohen pengesa, ata do të jenë gati për 3 muaj.
“Nëse nuk ka pengesa në rastin më të mirë, një pallat, 45 banesa nga 80 metra katrorë, për 3 muaj duhet të kryhet", tha Pacolli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
