Çika: Mos votimi i Celibashit në mëngjes, paralajmërim për problematikat. Sfida e opozitës, frymëzimi për pjesëmarrje

Pedagogu i marrëdhënieve ndërkombëtare, Emilio Çika, thotë se për bashkinë e Shkodrës ka propozime konkrete dhe platformë shumë interesante.

Nga studio e MCN Live, Çila deklaroi se në rastin e kandidatit socialist Benet Beci, opozita është frenuar në sulmet kundër tij.

Në Shkodër ka rivalitet real, por mbetet për tu parë si do jetë rezultati.

 Shkodra do të jetë shumë interesante. Mos votimi i Celibashit që në mëngjes ishte paralajmërim për problematikat me Pajisjet Elektronike të Identifikimit.

Lidhur me procesin e votimit të Sali Berishës, Çika tha se ishte në kostumin e tij normal, por se sfida e opozitës është e pjesëmarrjes se sa do frymëzojnë për të shkuar qytetarët në qendrat e votimit.

Opozita do të shpallë fitoren, ka një bashki do marrë disa bashki. Akuzat do jenë sërish në nivel të lartë për administrim dhe ndërhyrjes që do ketë nga qeveria.