Linda Pano, nga Koalicioni pro Familjes, thotë se nëse projektligji për barazinë gjinore kalon në Parlament, do të ketë protesta. Në studion e MCN Informacion, Pano tha se ky projektligj përbën rrezik kombëtar.
Ky projektligj cenon lirinë e shprehjes dhe besimit. Cenon familjen dhe është rrezik kombëtar. I bëj thirrje prokurorisë të hetojnë këta individë. Është të vësh duart në kokë kur dëgjon këta aktivistë.
Një nga arsyet pse ata janë agravuar deri në këtë masë është mbyllja e USAID-it. Këto fonde janë tharë, presidenti i Amerikës i ka mbyllur. Janë 28 organizata të mbajtura prej këtyre fondeve. Katër nga organizatat nënshkruese të këtij peticioni, që drejtohet nga Altin Hazizaj, janë për arsim dhe zhvillim.
Nëse ky projektligj kalon, do të nisim protestat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
