Pasaniku 93-vjeçar Rupert Murdoch ka humbur betejën për kontrollin e trashëgimisë së perandorisë së tij mediatike.
Katër nga fëmijët e tij të rritur do të ruajnë të njëjtin fuqi votimi pas vdekjes së tij, pavarësisht përpjekjes së manjatit për t’ia kaluar djalit të tij të madh Lachlan.
Kjo është raportuar nga New York Times, e cila citon një vendim gjyqësor të vulosur dhe të depozituar ditët e fundit.
“Një komisioner i Nevadës ka folur me zë të lartë kundër përpjekjes së Rupert Murdoch për të ndryshuar besimin e familjes për të konsoliduar kontrollin e djalit të tij të madh Lachlan mbi perandorinë mediatike dhe për të ruajtur linjën editoriale të krahut të djathtë të Fox News”, shkruan NYT.
Komisioneri, Edmund J.Gorman Jr. arriti në përfundimin në një vendim të paraqitur të shtunën se babai dhe djali drejtuesit e Fox News dhe News Corp, vepruan me dashakeqësi në përpjekje për të ndryshuar besimin e pakthyeshëm, i cili ndan në mënyrë të barabartë kontrollin e kompanisë midis katër më të mëdhenjve të Murdoch, fëmijët Lachlan, James, Elisabeth dhe Prudence pas vdekjes së tij.
Gorman e përkufizon planin për të modifikuar besimin si një farsë të hartuar me kujdes për të “çimentuar përgjithmonë rolet ekzekutive të Lachlan-it Murdoch brenda perandorisë mediatike, pa marrë parasysh ndikimin që një kontroll i tillë do të kishte tek kompanitë apo përfituesit e besimit familjar.”
Murdoch kishte çuar në gjykatë fëmijët e tij James, Elisabeth dhe Prudence në përpjekje për të eliminuar plotësisht fuqinë e tyre të votimit mbi besimin që ai krijoi.
Avokati i tij, Adam Streisand, tha se Murdoch dhe Lachlan ishin të zhgënjyer nga vendimi dhe synonin të apelonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
